29-30 ივლისს „საერთაშორისო გამჭვირვალობა - საქართველო“ მოქმედი და დამწყები ჟურნალისტებისთვის აცხადებს ტრენინგს თემაზე - „რა უნდა ვიცოდეთ 2024 წლის საპარლამენტო არჩევნებისთვის“. 

ტრენინგის ფარგლებში განსახილველი საკითხებია:

• მოსალოდნელი დარღვევები წინასაარჩევნო პერიოდში;
• ადმინისტრაციული რესურსების საარჩევნოდ გამოყენება;
• ელექტრონული ტექნოლოგიები 26 ოქტომბრის არჩევნებისთვის;
• რას ითხოვს საქართველოსგან ევროპა;
• როგორ ვიპოვოთ კორუფციის ნიშნები სახელმწიფო შესყიდვების მონაცემებში;
• როგორ ვიპოვოთ თანამდებობის პირთა დამალული ქონება ქონებრივი დეკლარაციებით;
• რას ნიშნავს ბენეფიციარი (საბოლოო) მესაკუთრე და როგორ დავადგინოთ ის ღია წყაროების გამოყენებით.

ტრენინგს წარუძღვებიან „საერთაშორისო გამჭვირვალობა - საქართველოს“ ექსპერტები:

• ბესო ნამჩავაძე - მთავარი ეკონომისტი; 
• სანდრო ქევხიშვილი - ანტიკორუფციული პროგრამის მენეჯერი; 
• ქეთევან შოშიაშვილი - კორუფციის უფროსი ანალიტიკოსი;
• ლილი ლეჟავა - კორუფციის უფროსი ანალიტიკოსი;
• გიგი ჩიხლაძე - საარჩევნო პროექტის კოორდინატორი.  

ტრენინგი ჩატარდება ქალაქ თბილისში და მასში მონაწილეობა უფასოა. სამუშაო ენა - ქართული. დაინტერესებულმა აპლიკანტმა უნდა გამოაგზავნოს CV შემდეგ ელექტრონულ მისამართზე: jobs@transparency.ge 

გთხოვთ, ელექტრონული განაცხადის სათაურში მიუთითოთ - „ტრენინგი ჟურნალისტებისთვის“. განაცხადის წარმოდგენის ბოლო ვადაა 2024 წლის 21 ივლისი.