მუნიციპალური შპს „ბორჯომის კეთილმოწყობის“ დირექტორის მოვალეობის შემსრულებლის, ჯემალ გოგოლაძის შვილს, ზურაბ გოგოლაძეს, 2019-2024 წლებში, ბორჯომის მერიისა და მისი იურიდიული პირების 32 სახელმწიფო შესყიდვით, 800 568 ლარი დაერიცხა. მან თანხის 100% უკონკურენტოდ მოგებული ტენდერებით და პირდაპირი შესყიდვებით მიიღო.
ჯემალ გოგოლაძე 2022 [1] წლის აპრილიდან შპს „ბორჯომის კეთილმოწყობის“ დირექტორის მოვალეობის შემსრულებელია. თუმცა, ამ უწყებაში მანამდეც მუშაობდა და 2017 [2] წელს სატენდერო კომისიის წევრიც იყო.
მისმა შვილმა, ზურაბ გოგოლაძემ, 2019 წლის 21 მარტს შპს „წყალსადენი 2012 [3]“ დააფუძნა და თვენახევარში, ბორჯომის მერიიდან სარწყავი არხის მოსაწყობად პირდაპირი შესყიდვაც მიიღო [4]. შპს „წყალსადენი 2012”-ს, 2019-2023 წლებში, 17 პირდაპირი შესყიდვით 462,341 ლარი დაერიცხა. კომპანიამ ყველა შესყიდვა ბორჯომის მერიიდან სოფლის მხარდაჭერის პროგრამის ფარგლებში, ძირითადად სასმელი წყლის მილსადენების, ასევე სანიაღვრე არხების მოწყობა-რეაბილტიაციისთვის მიიღო.
2020 წელის 22 დეკემბერს ზურაბ გოგოლაძე ინდივიდუალურ მეწარმედ [5] დარეგისტრირდა. ორ დღეში, 24 დეკემბერს [6] ააიპ „ბორჯომის დასუფთავებისა და კეთილმოწყობის“ 60,000-ლარიანი ტენდერი, უკონკურენტოდ მოიგო. მან 2020-2024 წლებში ბორჯომის მუნიციპალური ააიპ-ების ყველა (9) ტენდერი უკონკურენტოდ მოიგო და აქედან ჯამურად 320,000 ლარი მიიღო. ასევე, ბორჯომის მერიამ და მისმა იურიდიულმა პირებმა 6 პირდაპირი შესყიდვის ხელშეკრულებები გაუფორმეს 18,227 ლარზე. როგორც ინდივიდულურმა მეწარმემ, ჯამურად 338,227 ლარის 15 სახელმწიფო შესყიდვა მიიღო, ძირითადად, სატრანსპორტო საშუალებებისა და მასთან დაკავშირებული მოწყობილობების შეკეთებაზე.
„საერთაშორისო გამჭვირვალობა - საქართველო“ მოუწოდებს პროკურატურასა და სახელმწიფო უსაფრთხოების სამსახურის ანტიკორუფციულ სააგენტოს, შეისწავლოს შპს „წყალსადენი 2012-სა“ და ზურაბ გოგოლაძის სახელმწიფო შესყიდვები და გამოარკვიოს, აქვს თუ არა ადგილი შესაძლო კორუფციულ გარიგებებს მასსა და შემსყიდველ ორგანიზაციებს შორის.
Links
[1] https://declaration.acb.gov.ge/Home/DownloadPdf/141597
[2] https://tenders.procurement.gov.ge/engine/ssp/document.php?code=spa-cmr-2017-01-17-10/f18e3d2b207483de5df2d34ad12efbf1-8da74fe5-eab9-4dfc-b8e6-4ba9b6646fb2&mime=application/pdf&save=%20~%20%E1%83%98%E1%83%9C%E1%83%A2%E1%83%94%E1%83%A0%E1%83%94%E1%83%A1%E1%83%97%E1%83%90%20%E1%83%99%E1%83%9D%E1%83%9C%E1%83%A4%E1%83%9A%E1%83%98%E1%83%A5%E1%83%A2%E1%83%98.pdf
[3] https://bs.napr.gov.ge/GetBlob?pid=400&bid=boVlyOwlsX3qmYsntmLmFMmDq3qYGZbonSlt%5BNgbcVqaIjOrQhRkHERoAJp%5BJHBy
[4] https://tenders.procurement.gov.ge/engine/ssp/document.php?code=spa-cmr-2019-05-06/cb1830ecefb514a04ca64b42d11064c1-294e7b39-8e9a-4414-9132-b48b868eff24&mime=application/pdf&save=%20~%20%E1%83%AE%E1%83%94%E1%83%9A%E1%83%A8%E1%83%94%E1%83%99%E1%83%A0%E1%83%A3%E1%83%9A%E1%83%94%E1%83%91%E1%83%90%20156.pdf
[5] https://bs.napr.gov.ge/GetBlob?pid=400&bid=boVlyOwlsX3qmYsntmLmFCQBx0Hm5Ibqp3RRCfGopiQWaeuo%5B4jftz2RYYu9vrD%5B
[6] https://tenders.procurement.gov.ge/engine/files.php?mode=app&file=4121632&code=1608814569
[7] https://transparency.ge/sites/default/files/signal-2024-09-03-142942_002.jpeg
