სამუშაო სემინარი პოლიტიკურ პარტიებთან
15/02/2020
„საერთაშორისო გამჭვირვალობა-საქართველოს“ ორგანიზებით, პარტნიორ არასამთავრობო ორგანიზაციებთან ერთად, 13-14 თებერვალს, ლიკანში გაიმართა სამუშაო სემინარი პოლიტიკური პარტიების ლიდერების მონაწილეობით. შეკრების მიზანი იყო საჯარო პოლიტიკის სხვადასხვა მიმართულებებზე იმ კვლევების მთავარი მიგნებებისა და რეკომენდაციების პარტიებისთვის გაცნობა, რაზეც სამოქალაქო სექტორში სიღრმისეული ექსპერტიზა დაგროვდა. განხილვის მთავარი თემები იყო: ანტიკორუფციული პოლიტიკა, მართლმსაჯულების გამოწვევები, სამართალდამცავი უწყებები და მათზე საპარლამენტო ზედამხედველობა, ეკონომიკური პოლიტიკა, განათლების საკითხები. მისასალმებელი იქნება, თუ პარტიები რეფორმების საჭიროებაზე გაზიარებულ მოსაზრებებს სამომავლოდ თავიანთ პროგრამებში გაითვალისწინებენ.