სახელმწიფო იყენებს სამართლებრივი სექტორის სხვადასხვა ინსტიტუტს (შსს, პროკურატურა, სასამართლო) პრო-ევროპულ საპროტესტო აქციებში ჩართული პირების წინააღმდეგ. სახელმწიფო ორგანოების კოორდინირებული ქმედებები აჩვენებს, რომ ამ პირებს სამართლიანი სასამართლოს უფლება არ აქვთ. 2024 წლის საპარლამენტო არჩევნების შემდეგ 54 ადამიანი მიეცა სისხლისსამართლებრივ პასუხისგებაში, საიდანაც 40 დღემდე წინასწარ პატიმრობაში იმყოფება. 2024 წლის აპრილ-მაისის აქციებზე დაკავებული 10 პირიდან 3 გათავისუფლდა (ერთი საპრეზიდენტო შეწყალებით, ერთი საპროცესო შეთანხმებით, ერთი – პირობითი მსჯავრით), დანარჩენები კვლავ პატიმრობაში რჩებიან.