12 აპრილს პარლამენტმა ამნისტიის შესახებ ინიციატივა მესამე მოსმენით მიიღო, რომელიც 2 მაისიდან ამოქმედდება.

პანდემიის წინააღმდეგ ბრძოლის პროცესში, სახელმწიფოს მიერ პატიმრობაში მყოფი პირებისთვის დაწესებული შეზღუდვების სამართლიანი კომპენსირების მიზნით, ამნისტიის საფუძველზე, სისხლის სამართლის კოდექსით გათვალისწინებული ზოგიერთი დანაშაულისათვის მსჯავრდებულ პირებს სასჯელი უმცირდებათ.

• 2020 წლის 5 მარტიდან 2021 წლის 30 აგვისტომდე პერიოდში პენიტენციურ დაწესებულებაში მყოფ პირებს თავისუფლების აღკვეთის ვადა შეუმცირდებათ 75 დღით.
• ამ პერიოდში პენიტენციურ დაწესებულებაში მყოფ იმ პირებს, ვისაც სასჯელის სახით დანიშნული აქვს 2 წლამდე თავისუფლების აღკვეთა, სასჯელის ვადა შეუმცირდებათ 45 დღით.
• ამ პერიოდში პენიტენციურ დაწესებულებაში მყოფი ქალი, არასრულწლოვანი და 70 წელს გადაცილებული მსჯავრდებულებისთვის სასჯელი 105 დღით მცირდება.

სისხლისსამართლებრივი პასუხისმგებლობისა და სასჯელისაგან (გარდა უვადო თავისუფლების აღკვეთისა) თავისუფლდება პირი, რომელმაც 2004 წლის 1 იანვრამდე ჩაიდინა სისხლის სამართლის კოდექსით გათვალისწინებული დანაშაული (ამნისტია ვრცელდება  ამ დანაშაულების მომზადების ან მცდელობის სტადიაზეც).^[1]

ამნისტია არ  ვრცელდება  დანაშაულზე,  თუ  ის  ჩადენილია „ოთხოზორია‐ ტატუნაშვილის  სიით“  განსაზღვრული პირების მიერ.

გარდა ამისა, ამნისტია არ გავრცელდება შემდეგ დანაშაულებზე (ასევე არ ვრცელდება ამ დანაშაულების მომზადებასა და მცდელობაზე):

• 108-ე მუხლი - განზრახ მკვლელობა
• 109-ე მუხლი - განზრახ მკვლელობა დამამძიმებელ გარემოებებში
• 137-ე- გაუპატიურება
• 138-ე- სექსუალური ხასიათის სხვაგვარი ქმედება
• 139-ე- პირის სხეულში სექსუალური ხასიათის შეღწევის ან სექსუალური ხასიათის სხვაგვარი ქმედების იძულება
• 140-ე- სექსუალური ხასიათის შეღწევა თექვსმეტი წლის ასაკს მიუღწეველის სხეულში
• 141-ე - გარყვნილი ქმედება
• 142-ე- ადამიანთა თანასწორუფლებიანობის დარღვევა
• 142¹-ე- რასობრივი დისკრიმინაცია
• 142²  შეზღუდული შესაძლებლობების მქონე პირის უფლებების შეზღუდვა
• 143-ე- თავისუფლების უკანონო აღკვეთა
• 143¹ - ადამიანით ვაჭრობა (ტრეფიკინგი)
• 143²- არასრულწლოვანით ვაჭრობა(ტრეფიკინგი)
• 143³-ადამიანით ვაჭრობის (ტრეფიკინგის) მსხვერპლის (დაზარალებულის) მომსახურებით სარგებლობა
• 144 - მძევლად ხელში ჩაგდება
• 144¹-წამება
• 144²-წამების მუქარა
• 144^3-დამამცირებელი ან არაადამიანური მოპყრობა
• 164-ე- ხმის მიცემის ფარულობის დარღვევა, ხმების არასწორად დათვლა ან არჩევნების შედეგების არასწორად შეჯამება
• 179-ე-ყაჩაღობა
• 183-ე,- განსაკუთრებული ისტორიული, კულტურული, მეცნიერული ან ეროვნული ღირებულების ნივთის ან დოკუმენტის დაუფლება მართლსაწინააღმდეგო მისაკუთრების მიზნით.
• 223-ე-უკანონო ფორმირების შექმნა, ხელმძღვანელობა, ასეთ ფორმირებაში გაწევრება, მონაწილეობა ან/და უკანონო ფორმირების სასარგებლოდ სხვა საქმიანობის განხორციელება.
• 223¹ – „ქურდული სამყაროს“ წევრობა, „კანონიერი ქურდობა“
• 223² – „ქურდულ შეკრებაში“ მონაწილეობა
• 223³- „ქურდული სამყაროს“ საქმიანობის მხარდაჭერა.
• 223⁴ – „ქურდული სამყაროს“ წევრისთვის/“კანონიერი ქურდისთვის“ მიმართვა ან მიმართვის შედეგად მატერიალური სარგებლის ან მატერიალური უპირატესობის მიღება.
• 224- ბანდიტიზმი
• 236-ცეცხლსასროლი იარაღის (გარდა სანადირო გლუვლულიანი ცეცხლსასროლი იარაღისა (თოფისა)), საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო შეძენა, შენახვა, ტარება, დამზადება, გადაზიდვა, გადაგზავნა ან გასაღება.
• 237- იარაღის, საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო დაუფლება მისაკუთრების მიზნით ან გამოძალა.
• 238- ცეცხლსასროლი იარაღის (მათ შორის, სანადირო გლუვლულიანი ცეცხლსასროლი იარაღის(თოფის)) დაუდევრად შენახვა.
• 238¹- ცივი იარაღის ტარება
• 239 - ხულიგნობა
• 253 - პროსტიტუციაში ჩაბმა
• 254- პროსტიტუციის ხელშეწყობა
• 255-პორნოგრაფიული ნაწარმოების ან სხვა საგნის უკანონოდ დამზადება ან გასაღება.
• 255¹-არასრულწლოვანის ჩაბმა პორნოგრაფიული ნაწარმოების ან პორნოგრაფიული ხასიათის სხვა საგნის უკანონოდ დამზადებასა და გასაღებაში.
• 255²-არასრულწლოვანისთვის შეხვედრის შეთავაზება სექსუალური მიზნებისთვის
• 280- ფრენის საერთაშორისო წესის დარღვევა
• 353- წინააღმდეგობა, მუქარა ან ძალადობა საზოგადოებრივი წესრიგის დამცველის ან ხელისუფლების სხვა წარმომადგენლის მიმართ
• 378-პენიტენციური დაწესებულების საქმიანობისთვის ხელის შეშლა ან/და ამ საქმიანობის დეზორგანიზაცია.
• 378¹-პენიტენციურ დაწესებულებაში ან მოთავსების სხვა ადგილას, გაყვანისას/გადაყვანისას ან ექსტრადიციისას ბრალდებულისთვის/მსჯავრდებულისთვის, აგრეთვე დროებითი ყოფნის იზოლატორში ან ჰაუპტვახტში მოთავსებული პირისთვის აკრძალული საგნის გადაცემა.
• 378²-პენიტენციურ დაწესებულებაში ან მოთავსების სხვა ადგილას, გაყვანისას/გადაყვანისას ან ექსტრადიციისას ბრალდებულის/მსჯავრდებულის მიერ, აგრეთვე დროებითი ყოფნის იზოლატორში ან ჰაუპტვახტში მოთავსებული პირის მიერ აკრძალული საგნის შეძენა, შენახვა, ტარება, მოხმარება ან/და ამ საგნით სარგებლობა.
• 379-დაკავების ადგილიდან, პენიტენციური დაწესებულებიდან ან მოთავსების სხვა ადგილიდან, გაყვანისას/გადაყვანისას ან ექსტრადიციისას ბრალდებულის/მსჯავრდებულის გაქცევა.
• 404-აგრესიის აქტის დაგეგმვა, მომზადება, დაწყება ან წარმოება.
• 405-მოწოდება აგრესიის აქტის დაგეგმვისაკენ, მომზადებისკენ, დაწყებისაკენ ან წარმოებისაკენ
• 406- მასობრივი განადგურების იარაღის დამზადება, შეძენა, შენახვა, გასაღება, გადაზიდვა, ტრანზიტი ან გადაგზავნა.
• 407-გენოციდი
• 408-დანაშაული ადამიანურობის წინააღმდეგ
• 409-ეკოციდი
• 410-დაქირავებულის მონაწილეობა შეიარაღებულ კონფლიქტში ან საომარ მოქმედებაში.
• 411- საერთაშორისო ჰუმანიტარული სამართლის ნორმების განზრახ დარღვევა შეიარაღებული კონფლიქტის დროს
• 412-საერთაშორისო ჰუმანიტარული სამართლის ნორმების განზრახ დარღვევა სახელმწიფოთაშორისი ან შიდა სახელმწიფოებრივი შეიარაღებული კონფლიქტის დროს, ჯანმრთელობისათვის საფრთხის შექმნით ან ფიზიკური დასახიჩრებით.
• 413-საერთაშორისო ჰუმანიტარული სამართლის ნორმების დარღვევა.
• 308-322 მუხლები - დანაშაული საქართველოს კონსტიტუციური წყობილებისა და უშიშროების საფუძვლების წინააღმდეგ
• 323-331² მუხლები - ტერორიზმის დანაშაულები.