პრესრელიზი | საერთაშორისო გამჭვირვალობა - საქართველო
ENG
პრესრელიზი
24 აპრილი, 2012

არასამთავრობო ორგანიზაციების მოსაზრებები ახალ კანონპროექტზე „ინფორმაციული უსაფრთხოების შესახებ“

2012 წლის 24 აპრილი – დღეს სამი არასამთავრობო ორგანიზაცია ,,ინფორმაციის თავისუფლების განვითარების ინსტიტუტი’’, ,,საერთაშორისო გამჭვირვალობა - საქართველო’’ და ,,საქართველოს ახალგაზრდა იურისტთა ასოციაცია“ თავის მოსაზრებებს წარუდგენს საქართველოს პარლამენტს კანონპროექტის „ინფორმაციული უსაფრთხოების“ თაობაზე.

02 მარტი, 2012

თანამშრომლობის მემორანდუმი აჭარის უმაღლეს საბჭოსთან

28 თებერვალს, ბათუმში “საერთაშორისო გამჭვირვალობა – საქართველომ” აჭარის უმაღლეს საბჭოსთან ურთიერთთანამშრომლობის მემორანდუმს მოაწერა ხელი. ორგანიზაცია აჭარაში ახალ პროექტს იწყებს. პროექტის მიზანია დაინტერესებულ პირებს მიაწოდოს ინფორმაცია აჭარის საკანონმდებლო ორგანოში მიმდინარე პროცესებზე.

24 ოქტომბერი, 2011

“საერთაშორისო გამჭვირვალობა - საქართველო” აქვეყნებს ახალ კვლევას: “საქართველოს ეროვნული ანტიკორუფციული სისტემის შეფასება”

თბილისი, 2011 წლის 24 ოქტომბერი - “საერთაშორისო გამჭვირვალობა - საქართველო” აქვეყნებს ახალ კვლევას: “საქართველოს ეროვნული ანტიკორუფციული სისტემის შეფასება”. კვლევის ფარგლებში განხორციელდა იმ 12 ძირითადი ინსტიტუტის სიძლიერის ანალიზი, რომლებსაც საკვანძო როლი აკისრიათ ქვეყანაში კეთილსინდისიერი მმართველობის დამკვიდრებისა და კორუფიციის აღკვეთის მხირვ.

26 მაისი, 2011

„საქართველოს ახალგაზრდა იურისტთა ასოციაცია“ და „საერთაშორისო გამჭვირვალეობა - საქართველო“ 26 მაისს აქციის დაშლის შესახებ პირველად განცხადებას ავრცელებენ

2011 წლის 26 მაისს დაახლოებით 00:12 წუთზე შს სამინისტროს ძალებმა დაიწყეს რუსთაველის პროსპექტზე გამართული საპროტესტო აქციის დაშლა. იმ შემთხვევაშიც კი,აქციის დაშლის გადაწყვეტილება ლეგიტიმური რომ ყოფილიყო, მედიით გავრცელებული კადრები, აშკარად მიუთითებს პოლიციის მხრიდან ძალის გადამეტების ნიშნებზე, რაც ,,პოლიციის შესახებ” კანონის მოთხოვნების უხეშ დარღვევას წარმოადგენს. აღნიშნული ფაქტი არ შეიძლება დარჩეს ეფექტური გამოძიებისა და სამართლებრივი რეაგირების გარეშე.

06 მაისი, 2011

ევროპის სამეზობლო პოლიტიკა- საქართველოს ანტი-კორუპციული ვალდებულებების შეფასება 2011

4 მაისს ბრიუსელში გაიმართა სამხრეთ კავკასიის ქვეყნების მიერ ევროპის სამეზობლო პოლიტიკის ფარგლებში აღებული საერთაშორისო ვალდებულებების შესრულების ანგარიშების პრეზენტაცია. ღონისძიება ორგანიზაბული იყო საერთაშორისო გამჭვირვალობის სამდივნოს მიერ. „საერთაშორისო გამჭვირვალობა – საქართველოს“ მხრიდან საქართველოს შესახებ ანგარიში წარადგინა ორგანიზაციის ანალიტიკოსმა, მარი გაბედავამ. მიმაგრებულ დოკუმენტში შეგიძლიათ იხილოთ პრესრელიზი.

06 აპრილი, 2011

"საერთაშორისო გამჭვირვალობა - საქართველო" საქართველოს პარლამენტის შესახებ საზოგადოებრივი აზრის კვლევის შედეგებს აქვეყნებს

"საერთაშორისო გამჭვირვალობა - საქართველომ" გამოაქვეყნა საქართველოს პარლამენტის შესახებ საზოგადოებრივი კვლევის შედეგები, რომელიც მისი დაკვეთით "კავკასიის კვლევითი რესურსების ცენტრმა" ჩაატარა. კვლევა ჩატარდა 2008 წლის 25 მარტიდან 2 აპრილამდე მთელი ქვეყნის მასშტაბით პირისპირ ინტერვიუების სახით. სულ გამოიკითხა 1538 რესპონდენტი. კვლევა მიზნად ისახავდა პარლამენტის შესახებ მოქალაქეების შეხედულებების გარკვევას და, შეძლებისდაგვარად, ახსნას.

24 მარტი, 2011

თბილისელები საკუთარ ქუჩაზე არსებული პრობლემების მოგვარებისთვის chemikucha.ge–ს მიმართავენ

ამოქმედებიდან 72 საათში www.chemikucha.ge–ს 30,596 მნახველი ეწვია, აქედან 4,810 უნიკალური მნახველი იყო. ვებ–გვერდზე პრობლემის შესახებ 164 შეტყობინება განთავსდა. თბილისის მერიის წარმომადგენლებმა კი უკვე დაიწყეს ვებ–გვერდზე განთავსებულ პრობლემებზე რეაგირება.

გვერდები