დღეს „საერთაშორისო გამჭვირვალობა - საქართველომ“ ნავთობპროდუქტების ქართული ბაზრის შესახებ რიგით მეორე კვლევა გამოაქვეყნა, რომლის საანგარიშო პერიოდი 2010 - 2015 წლებს მოიცავს. ორგანიზაციის პირველი კვლევა 2012 წელს გამოქვეყნდა.
თბილისი, 2015 წლის 9 სექტემბერი - „საერთაშორისო საბიუჯეტო პარტნიორობის“ დღეს გამოქვეყნებული გლობალური ანგარიშის მიხედვით, რომელიც ყოველ ორ წელიწადში ერთხელ ქვეყნდება, 2015 წლის „ღია ბიუჯეტის ინდექსში“ საქართველომ 100 შესაძლებელი ქულიდან 66 ქულა მიიღო.
თბილისი, 2015 წლის 30 ივლისი – აზარტული თამაშების შესახებ „საერთაშორისო გამჭვირვალობა – საქართველოს” მეორე ანგარიშის მიხედვით, ეს ბიზნესი საკმაოდ კარგადაა საქართველოში განვითარებული და ქვეყნის ეკონომიკის მნიშვნელოვანი კონტრიბუტორიც არის.
მამხილებელთა დაცვის კანონმდებლობა საქართველოში 2009 წლიდან მოქმედებს, თუმცა არსებული საკანონმდებლო ჩარჩოც და მისი აღსრულებაც ნაკლოვანია.
ბოლო ხუთი წლის განმავლობაში განხორციელებულმა ძირეულმა რეფორმებმა საქართველოს სახელმწიფო შესყიდვების სისტემა მსოფლიოში ერთ-ერთ ყველაზე გამჭვირვალედ აქცია, რასაც „საერთაშორისო გამჭვირვალობა – საქართველომ“ და არაერთმა საერთაშორისო ორგანიზაციამ მაღალი შეფასება მისცა.
საქართველოში კორუფციის შემთხვევების აღმოჩენისა და პრევენციისთვის აუცილებელია თანამდებობის პირთა ქონებრივი დეკლარაციების მონიტორინგის სისტემის დანერგვა. ამჟამად, საქართველოში მოქმედებს თანამდებობის პირების ქონების გასაჯაროების სისტემა, მაგრამ არ არსებობს ქონებრივი დეკლარაციების სიზუსტის უზრუნველმყოფი მექანიზმი.
„საერთაშორისო გამჭვირვალობა – საქართველო“ აქვეყნებს ანგარიშს 2012 წლის 1 იანვრიდან 2014 წლის 31 დეკემბრის ჩათვლით საქართველოს მუნიციპალიტეტებში გაცემული პრემიისა და სახელფასო დანამატის შესახებ. ორგანიზაციამ ინფორმაცია 59 მუნიციპალიტეტიდან და 12 თვითმმართველი ქალაქიდან, მათ შორის თბილისის რაიონებიდან, გამოითხოვა.
ჩვენს ახალ პუბლიკაციაში მიმოვიხილავთ სახელმწიფო აუდიტის სამსახურის 2013-2015 წლებში მომზადებულ იმ აუდიტის ანგარიშებს, რომლებიც დანაშაულის ნიშნებს შეიცავდა და აუდიტის სამსახურმა შემდგომი რეაგირებისთვის სამართალდამცავ ორგანოებში გადაგზავნა.
დღეს გამართულ კონფერენციაზე საქართველოში მოღვაწე 15-მა აქტიურმა არასამთავრობო ორგანიზაციამ „ქართული ოცნების“ ხელისუფლებაში ყოფნის პირველი ორი წელი შეაფასა. შემაჯამებელი ანგარიში საჯარო პოლიტიკის 20-ზე მეტ სფეროს ეხება.